Home / Blòg / Soti nan 1G pou rive nan 4G LTE, Tout sa w ta dwe konnen sou rezo san fil

Soti nan 1G pou rive nan 4G LTE, Tout sa w ta dwe konnen sou rezo san fil

Rezo, mo sa a entèrese nou tout. Chak fwa w ap kominike ou itilize yon rezo menm si se pa entènèt. Ou voye yon lèt pa lapòs ou itilize yon rezo. Mwen deside ekri atik sa a aprè yon zanmi te mande m kisa sa vle di rezo 4G. Mwen bay yon repons kote tout lòt moun ki ta nan menm dout ak zanmi sa a ka jwenn li.

Nou tout konekte nan yon tèm paske nou gen nan pòch nou yon aparèy ki konekte sou yon rezo. M pap pale de yon koneksyon entènèt avèk yon telefòn entèlijan mwen vle pale de rezo telefòn mobil. Kèlkeswa telefòn ou ta posede a swa yon ti “ede m peze” oubyen yon gwo telefòn entèlijan, avèk oubyen san wifi oubyen fòfè entènet. Menm jan ak tout lòt rezo yo rezo mobil la itilize yon estanda ak nòm pwotokòl tou. An nou rantre nan eta evolisyon tèm teknik yo san fè pi long.

1G – Se premye jenerasyon telefòn mobil kote 1G mobil ki konpoze de yon ansanm de nòm kominikasyon analojik. 1G a te abandone rapid pou te bay plas ak 2G a.

2G – 2G a konstitiye de yon seri nouvèl nòm antyèman nimerize ke yo rele GSM (Global System for Mobile communications) ki pèmèt echanje vwa ak tèks mesaj tankou sms. 2G ak GSM se rezo Digicel la sòm nan lane 2006 la te repoze sou 2G.

2.5G – 2 nòm konplemantè te ajoute aprè kèk tan, premyèman nou te gen GPRS (General Packet Radio Services) ki founi yon transmisyon pa pake epi premye lyezon ant rezo mobil ak entènèt (telefòn ki avèk WAP: jenerasyon V3, L7, ak samsung pliyant yo). GPRS la se sinonim de 2,5G ou 2G+ la paske yo se yon ekstansyon sa yo rele GSM.

2.75G – Trè rapid GPRS la te evolye nan yon nouvèl nòm ke yo rele EDGE (Enchanced Data rates for GSM Evolution), ki se retwo konpatib ak rezo GPRS ki li menm se yon ekstansyon nan GSM.

3G – UMTS (Universal Mobile Telecommunication System) avèk 3èm jenerasyon an debi yo kapab monte jiska 2Mbit/s ki sifi pou telechaje paj html, konsilte imel. UMTS sinonim de 3G.

3.5G et 3.75G – Menm jan ak 2G a, 3G a evolye tou nan amelyore ak ajoute debi HSPA (High Speed Packet Access), pwolonje UMTS avèk yon debi de 14.4 Mbit/s, epi HSPA+ ak DC-HSPA+ (« DC » pou 2 karè) pwolonje limit yo jiska 21 Mbit/s ak 42 Mbit/s. se 3.5 G ak 3.75G oubyen ankò 3G+ ak 3G++.

4G – Bagay yo kontinye evolye kote fame LTE (Long Term Evolution) ogmante debi ideyal la a 150 Mbit/s e menm 1 Gbit/s avèk sa ki rele LTE-Advanced ou 4G+.

Kisa pou retni nan tout sa? Ekivalans yo.

2G =~ GSM/GPRS/EDGE
UMTS = 3G
HSPA = 3G+
LTE = 4G
LTE-Advanced = 4G+.

Si ou ta anvi mande kisa lèt “E” ak “H” ki parèt nan plas 3G ak 4G nan ba notifikasyon telefòn ou an ye. Ebyen « E » siyifi EDGE epi « H » se non HSPA (3G).

Castro Alhdo

Ajoute yon komantè

Kòmantè

Vérifiez également

10 fason pou Fè lajan sou entenèt san ou pagen yon websit.

Ou tap panse ak fè lajan sou entènèt tankou vann pwodui ou kapasite ou sou …

Fè yon ti tann tanpri...

Vin Fè pati lis nou an

Si ou ta renmen jwenn atik nou yo ak video nou yo sou email ou pouw pa rate youn , rantre email ou .